Thursday, January 8, 2009

දුරුතු මස පුර පසළොස්වක පොහොය දිනය නිමිති කරගනිමින් ආගමික වැඩ සටහනක්.


නිහිළුව මහා විද්‍යාලයේ සෑම මසකම පුරපසලොස්වක පොහොය දිනය නිමිති කරගනිමින් පවත්වනු ලබන ආගමික වැඩ සටහන යටතේ, 2009 වසර දුරුතු මස පුර පසළොස්වක පොහොය දිනය නිමිති කොට ලැබුවා වූ අලුත් අවුරුද්දේ විද්‍යාලීය දූ දරුවන්ගේ අධ්‍යාපන කටයුතු සාර්ථක කර ගැනීමට, 6 ශ්‍රේණියට ඇතුළු වූ නවක සිසුනට සෙත් පැතීමට, විදුහල්පති තුමා ඇතුළු ආචාර්ය මණ්ඩලයට සෙත් පැතීමට, එසේම රට සුරකින ත්‍රිවිධ හමුදාවේ වීරෝදාර රණවිරුවන්ට ආශිර්වාද පැතීමට යන අරමුණු මුල් කරගෙන සැමට ත්‍රිවිධ රත්නයේ ආශිර්වාද පතා අද දින පෙ.ව. 8.00 – 9.00 දක්වා විශේෂ ආශිර්වාද බෝධි පූජාවක් පවත්වන ලදි.

ගල්වැව පුරාණ විහාරයේ විහාරාධීකාරී මැදගොඩ විජිත ස්වාමීන් වහන්සේ විසින් පැවැත් වූ එම ආශිර්වාද පූජාවට තංගල්ල කලාප අධ්‍යාපන කාර්යාලයේ බුද්ධ ධර්මය විෂය භාර අධ්‍යාපන අධ්‍යක්ෂ සෝමසිරි මැතිතුමා, විද්‍යාලයේ විදුහල්පති තුමා, ආචාර්ය මණ්ඩලයේ ගුරු මහත්ම මහත්මින් ඇතුළු ශිෂ්‍ය ශිෂ්‍යාවන් සියලු දෙනා සහභාගී වූ අතර විද්‍යාලයේ ‍‍බෞද්ධ සංගමය විසින් මෙම පූජෝත්සවය සංවිධානය කරන ලදි.

1 comment:

  1. Good work. Keep it up. Make arrangements to zoom the photos.
    Susith Dissanayake

    ReplyDelete

LinkWithin

Related Posts Plugin for WordPress, Blogger...