අහිමි කල තෑග්ග හෙවත් පුංචි පාසලක හිත් වේදනාව..............................

පසුගිය කාලේ පාසල් පරිගණක ඒකක අතර තරගයක් තිබ්බා.සෑම අතින්ම හොදම පරිගණක ඒකකය තෝරන්න.පලාතකින් හොදම ඒකක 20 ක් තෝරලා මුදල් තෑගි දෙන්න.ඉතින් දකුණු පලාතේ හොදම 20 අතර අපේ පරිගණක ඒකකය නැහැ කියලා දැනගත්තෙ අන්තිමට.අපිටත් පුදුමයි.හොයලා බැලුවම ප්‍රථමයෙන් කලාප මට්ටමින් මුල් තුන් දෙනා තෝරලා යවන්න ඔනලු.ඉතින් අපි අයිති .තංගල්ල කලාපෙට..අපි දන්නෙ නැහැ වැරැද්ද කොතනද කියලා
 මෙන්නමේවා ඒකට

 හේතු වෙන්නැති...

• තංගල්ල කලාපෙ ප්‍රථම පාසල් වෙබ් අඩවිය අප සතු වීම
• භාෂා 21 ට පරිවර්තනය කල හැකි එකම පාසල් වෙබ් අඩවිය වීම
• දිනපතා යාවත්කාලීන වන බ්ලොග් එකක් සතු එකම පාසල වීම
• බ්ලොග් ලියන සිසුන් සිටින ප්‍රථම සහ එකම පාසල වීම(2007 සිට)
• 2004 වර්ෂයේ සිට නොකඩවා විදුලිය සිඳලීමකින් තොරව ක්‍රියාත්මක එකම පරිගණක ඒකකය වීම
• පාසල් හැර ගිය සිසුන් සදහා පරිගණක පාඨමාලා අදටත් පවත්වන එකම පාසල වීම
• ගම්වැසියන්ගේ භාවිතය සදහා ගමට පරිගණක ඒකකයක් ලබා දුන් ලංකාවේ එකම පාසල වීම
• 2 MB වේගවත් අන්තර්ජාල සබඳතාවක් ඇති එකම පාසල වීම
• යූටියුබ්,ෆ්ලිකර් වැනි පහසුකම් භාවිතා කරන එකම පාසල වීම
• පාසලේ 6 වසරේ සිටම සිසුන්ට පරිගණක අධ්‍යාපනය ලබා දීම
• සිසුන් සදහා පරිගණක ලබා දීම(දානපතියන් හරහා)
• වෙබ් අඩවි හරහා දානපතියන් මගින් විවිධ උපකරණ ලබා ගැනීම
• රැහැන් රහිත අන්තර්ජාල ප්‍රවේශය සහිත එකම පාසල වීම
•             උපකරණ මෙසේය
•   ඩිජිටල් කැමරා
•             වීඩියෝ කැමරා
•            මල්ටි මීඩියා ප්‍රොජෙක්ටර්
• ලංකාවේ වැඩිම මුල්‍ය වටිනාකමක් ඇති ශිෂ්‍යත්වයක් ශිෂ්‍යාවකට ලබා දීම(මෙම ශිෂ්‍යාව උසස් පෙල සමත් වුවත් ජර්මන් දානපති පුද්ගලයකු හරහා SLIIT ආයතනයේ පරිගණක උපාධියක් හැදැරීමට යොමු කරන ලදි.සියළු වියදම් ඔහු දරනු ඇත)

• අපගේ සේවාවන් දැක අතිගරු ජනාධිපතිතුමන් මිලියන අටක් වටිනා දෙමහල් පරිගණක විද්‍යාගාරයක් ලබා දීම.
• මෙම නව විද්‍යාගාරය සදහා නව පරිගණක 10 ඩොයිෂ් බැංකුවේ පරිත්‍යාගයක් ලෙස ලබා ගැනීම.
• නව විද්‍යාගාරයේ පරිගණක 28 සදහා ජාලකරන උපකරන ඩොයිෂ් බැංකුවේ පරිත්‍යාගයක් ලෙස ලබා ගැනීම සහ ජාලකරනය සැකසීම අප විසින්ම සිදු කර ගැනීම.
• නව විද්‍යාගාරය සදහා අවශ්‍ය ලක්ෂ 4 පමන වටිනා ලීබඩු උපකරන ඩොයිෂ් බැංකුවේ පරිත්‍යාගයක් ලෙස ලබා ගැනීම.

තව බොහෝ දේ ලිවීමට හැක.කුඩා පාසලක් ලෙස අන්තර්ජාලය තුලින් ප්‍රයෝජනවත් දේ ලබා ගනිමින් අප ආ මග අන්තර්ජාලය භාවිතා කරනා බොහෝ අය දනිති.එහෙත් අපිට නිසි ඇගයීමක් නොලැබුනේ මන්දැයි අප නොදන්නෙමු.රාජ්‍ය ආයතනයක් ලෙස වුවත් රජය මතම යැපීමේ සංකල්පයෙන් බැහැර වෙමින් අප කල දේ පිළිබද අපගේ හෘද සාක්ෂිය සතුටු වනු නොඅනුමානය.ඇගයීමක් නොලැබුනත් මේ දුප්පත් සිසුන් අපගේ නව පරිගණක ඒකකය තුල ඉගෙන ගනිද්දී අපගේ සිත්තුල ඇතිවන සතුට කිසිදාක මැකී නොයනු ඇත.........

හෘද සාක්ෂිය වනාහී කිසිවකුට පැහැර ගැනීමටවත් අහිමි කිරීමටත් නොහැකි දෙයකි

විදුහල්පතිතුමා නික්ම ගියේය.

වසර 34 සේවා කාලයකින් පසු අප වර්තමාන විදුහල්පති ආරියසේන බෝධිගම මැතිතුමන් අද දින සේවයෙන් විශ්‍රාම ගන්නා ලදි.මෑත භාගයේ අප විද්‍යාලයට පැමිණි දක්‍ෂ මෙන්ම යමක් කිරීමට හැකි සහ යමක් කිරීමේ අවශ්‍යතාවකින්ද හෙබි ආරියසේන බෝධිගම විදුහල්පතිතුමන් කෙටි කාලයකට වුවද විද්‍යාලයේ කැපී පෙනෙන වෙනස්කම් රාශියක් සිදු කල බව දෙමව්පියන්ගේද අදහසයි.එමෙන්ම අනෙක් විශේෂ කාරනාව වන්නේ එතුමන් පරිගණක තාක්‍ෂනය පිළිබඳ දැක්වු උනන්දුවයි.එමෙන්ම කැපවී වැඩ කරන ගුරුවරුන් හට වැඩි අවස්ථාවක් දෙමින් ඔවුන්ව දිරි ගැන්වීම ද විශේෂ කරනාවකි.මෙවනි විදුහල්පති වරුන් සොයා ගැනීම අද දුර්ලභ දෙයකි.

අද දින පවා එතුමන් රාජකාරයේ යෙදුනු අතර අවසාන රාජකාරිය ලෙස ශිෂ්‍ය නායකයන්ට පදක්කම් පළලඳ වන ලදි.එතුමන්ට සෙත් පතා අද දින අප බෝධි පූජාවක්ද  පවත් වන ලදි.

අප එතුමන්ට නිදුක් නිරෝගී අනාගතයක් පතමු.

                                          එතුමන් අවසාන වශයෙන් කල රාජකාරිය

තිරසාර සංවර්ධනය සදහා අධ්‍යාපනය By Nilwala Collage of Education.

නිල්වලා අධ්‍යාපන විද්‍යාපීඨයේ සිසුන් වාර්ෂිකව මෙහෙයවනු ලබන උක්ත කඳවුර සදහා මෙවර ඔවුන් තෝරා ගෙන ඇත්තෙ තංගල්ල අධ්‍යාපන කලාපයේ පාසල් හතරකි.මෙම කඳවුරට අනුව ඔවුන් දින 5 කාලයක් අදාල පාසල් තුල නේවාසිකව සිටින අතර විද්‍යාපීඨ ආචාර්ය මණ්ඩලයද නේවාසිකව සිටී.

අප පාසලේ  නොයෙකුත් ආකාරයේ සංවර්ධන හා ප්‍රතිසංස්කරණ ව්‍යාපෘති රාශියක් මේ වන විට ක්‍රියාත්මක වෙමින් පවතී.පාසල් පරිසරය අලංකාර කිරීම,පස සංරක
ෂන උපක්‍රම භාවිතා කිරීම,පන්ති කාමර වර්න ගැන්වීම,ගණිත අංශය,විද්‍යා අංශය සදහා ඉගෙනුම් උපකරණ සෑදීම,බිත්ති මත සිතුවම් ඇඳීම,ආදිය වේ.

එමෙන්ම 2 වනදා සවස සස්කෘතික සංදර්ශනයක් අප විද්‍යාලීය සිසුන් සමග පැවැත් වීමටද අදහස් කොට ඇත.

මෙම අර්ථවත් වැඩසටහන සදහා අපගේ සිසුන්ගේ හා දෙමාපියන්ගේද නොමසුරු දායකත්වය ලබා දී ඇත.

ඊ-දිරියට අපෙන් දිරියක්

තොරතුරු හා සන්නිවේදන තාක්‍ෂන නියෝජිතායතනය සංවිධානය කරන පරිගණක සාක්ෂරතාව ඉහල නැංවීමේ වැඩසටහන අප පාසල් පරිගණක විද්‍යාගාරයෙදී මේ දිනවල පැවැත්වේ.බෙලිඅත්ත ප්‍රදේශයේ පරිගණක විද්‍යාගාර නොමැති පාසල් අටක සිසුන් 125 සදහා මේ යටතේ මුලික පරිගණක පුහුණුව ලබා දේ.මේ සදහා අපගේ දායකත්වය ඉතාමත් සතුටින් අප ලබා දෙන අතර ඉදිරියේදී  මෙම වැඩසටහන ව්‍යාප්ත කිරීමටද බලාපොරොත්තු වේ.

Happy Birth Day !!!

පාසල් වෙබ් අඩවියට comments දැමීමේ පහසුකම එක් කරා !

ඔන්න දැන් අපේ පාසල් වෙබ් අඩවියටත් කමෙන්ට්ස් දාන්නත් පුළුවන්.
පිවිසෙන්න
http://www.nihiluwamv.sch.lk

ස්තුතියි

නව පරිගණක ඒකකයේ වැඩ නිම වෙයි.

මේ වෙනකොට අපේ නව පරිගණක ඒකකය සම්පූර්නයෙන්ම නිම  කරලයි තියෙන්නෙ.මේකට අවශ්‍ය පරිගණක සහ අනෙකුත් උපාංග සොයා ගැනීමේ මෙහෙයුමක තමයි දැන් අපි නිරත වෙලා ඉන්නෙ.මුල ඉදලම අපි අපට අවශ්‍ය දේවල් ලැබෙනකම් බලා හිටිය පාසලක් නෙවි.බොහෝ දෙවල් අපේ වෙබි අඩවිය හරහා මුන ගැහෙන කරුනාවන්ත පුද්ගලයන් හරහා ලබා ගත්තා.

මේ නව ඒකකයේ බිම් මහලේ පරිගණක 30 සදහා ඉඩ තිබෙනවා.උඩු මහලේ පරිගණක 15 සදහා විදුලි පහසුකම් සපයල තියෙනවා.අපි ගත් උත්සාහයේ ප්‍රතිඵලයක් විදිහට කොල්ලුපිටියෙ තිබෙන ඩොයිෂ් බැංකුව අපිට නව පරිගණක 10 කුත්,බිමි මහලේ පරිගණක 30 සදහා අවශ්‍ය ජාලකරණ උපකරනත් ලබා දුන්නා.මේ වෙනකොට ජාලකරනය සිසු සහභාගිත්වය සමග අපි ස්ථාපනය කරලයි තියෙන්නේ.එමෙන්ම ඔවුන් දැනට පොරොන්දු වෙලා තියෙනවා භාවිතයෙන් ඉවත් කරන(නමුත් හොද තත්වයේ) පරිගණක මේස කිහිපයකුත් ලබා දෙන්න.අපිට මේස තමයි ප්‍රශ්නය.දැනට අපි සතුව තිබෙන පරන පරිගණක 7 අළුත්වැඩියා කරල ගන්න හිතාගෙන ඉන්නවා.එවිට පරිගණක 17 විතර යොදලා නව ඒකකය විවෘත කරන්නත් එදාට තොරතුරු තාක්ෂන දිනයක් සංවිධානය කරන්නත් හිතාගෙන ඉන්නවා.ඉතින් අපිය අවශ්‍යයි පරිගණක විෂයේ විවධ පැති වලින් දැනුමෙන් සන්නද්ධ අය එදාව වැඩමුළු පවත්වන්න.තව විවිධ ආයතන ආවොත් හොදයි ප්‍රදර්ශන කුටි පවත්වන්න.අපි පොඩි පාසලක් හන්ද එහෙම ලොකු ආයතන ඒවිද මන්දා..

අපිට විශ්වාසයක් තියෙනවා අන්තරජාලයේ අපේ මිතුරන් උදව් කරාවි කියලා.මොකද පහුගිය දවසක අපිට හිමි විය යුතු ව තිබු දෙයක් අහිමි වෙලා තියෙනවා.අහිමි කරාද කියලත් අපි දන්නෙ නැහැ.කාලයත් සමග එය කුමක්ද කියලා හැමෝටම දැනගන්න ලැබේවි.

ඒත් අපි අපේ ගමන යනවා.